O‘quvchilarning neyropedagogik xususiyatlarini diagnostika qilish

Аннотация

Ushbu maqolada ta’limdagi yangi neyropedagogika sohasi, o‘quvchilarning neyropedagogik xususiyatlarini
diagnostika qilish va diagnostik tahlil natijalariga ko‘ra o‘quvchining o‘quv jarayonida o‘ng yoki chap yarimshar faoliyatiga
qarab uning psixotipini aniqlash bo‘yicha ma’lumotlar yoritilgan.
Hozirgi innovatsion davrda ta’lim sohasiga yangicha yondashuv orqali, har bir o‘quvchiga axborot yetkazishda aynan
miya faoliyati bilan bog‘liq neyrologik usuldan foydalanish muhim omildir. Neyropedagogika esa aynan ta’lim muhitining
miyaga ta’sirini o‘rganadi. Ta’limda amaliyotda qo‘llash va undan foydalanish ta’lim sifatini oshirishda asosiy vosita hisoblanadi.
Neyropedagogik diagnostika orqali o‘quvchining psixologik tiplarini, masalan, chap yarimshar va o‘ng yarimshar
ustunligini aniqlash va ularga mos ta’lim strategiyalarini ishlab chiqish orqali o‘qitish jarayonida har bir o‘quvchining ehtiyojlariga
mos keluvchi ta’lim modelini yaratishga yordam beradi.
O‘quvchining neyropedagogik xususiyatlarini diagnostika qilishda har bir jarayon – biologik, fiziologik, psixologik va kognitiv
qiziqishlariga e’tibor berish va shunga asoslanib o‘quv materiallari ishlab chiqish hamda amaliyotda qo‘llash lozim.
Ta’lim jarayonini individualizatsiya qilish va har bir o‘quvchining qobiliyatini to‘liq ro‘yobga chiqarish muhim vositasidir.
Zamonaviy psixometrik testlar va neyrofiziologik tadqiqotlardan foydalanish orqali har bir o‘quvchiga mos ta’lim metodlarini
ishlab chiqish va samarali o‘quv strategiyalarini ularga taklif qilish mumkin.