Maktabgacha ta’limda inklyuziv ta’limni tashkil etishning dolzarb masalalari

Аннотация

Inklyuziv ta’limning markaziy g‘oyasi shundan iboratki: bola ta’limga emas, ta’lim bolaning imkoniyatlariga
moslashtiriladi. Mazkur maqolada alohida ta’limga ehtiyoji bo‘lgan bolalarni sog‘lom tengdoshlari bilan birgalikda o‘qishini
ta’minlaydigan inklyuziv ta’lim shakli hamda uning metodologik asoslari, inklyuziv ta’limning me’yoriy-huquqiy asoslari,
inklyuziv ta’limning salbiy va ijobiy jihatlari, bola hayotining rivojlanishidagi maktabgacha yosh davrining muhim xususiyatlari,
maktabgacha ta’lim shakllari, maktabgacha ta’limning maqsad va vazifalari, qo‘shma turdagi maktabgacha ta’lim
tashkil etish masalalari, maktabgacha ta’limda inklyuziv ta’limni tashkil etish bo‘yicha ko‘rsatmalar, inklyuziv guruhlarning
tashkil etilishi va to‘ldirilishi, inklyuziv ta’limga qabul qilinadigan hamda qabul qilinmaydigan bolalar toifalari va imkoniyati
cheklangan bolalar toifalari haqida so‘z boradi. Shuningdek, imkoniyati cheklangan bolalar (eshitishida nuqsoni bo‘lgan
bolalar, ko‘rishida nuqsoni bo‘lgan bolalar, nutqiy va ruhiy rivojlanishi sustlashgan bolalar, tayanch-harakat tizimida muammosi
bo‘lgan bolalar) uchun inklyuziv ta’lim sharoitida yaratiladigan zarur shart-sharoitlar haqida ham ma’lumot beriladi.