Tibbiy ma’lumotlarni avtomatlashtirish: ma’lumotlarni to‘plash, qayta ishlash va tahlil qilish uchun modulli vositalar

Аннотация

Tibbiy ma’lumotlar sifati va tezkorligini oshirish uchun modulli tuzilma asosidagi axborotlarni qayta ishlash
vositalaridan foydalanib, kasallikni erta aniqlash va tashxis qo‘yish uchun axborot va dasturiy ta’minot yaratish,
tibbiy sohada mavjud ko‘plab muammolarni hal qiladi. Modulli-tuzilmaviy vositalar yordamida tibbiy ma’lumotlarni yig‘ish,
saqlash va tahlil qilish ma’lum ko‘rsatkichlar to‘plami asosida masofadan kasallik monitoringini amalga oshirish va kasallikning
umumiy tasvirini yaratishga imkon beradi. Bundan tashqari, tibbiyot sohasidagi raqamli tizimni axborot bilan ta’minlash
telekonsultatsiyalar, turli so‘rovlar yordamida maslahatlar berish kabi samarali natijalarni ta’minlaydi. Jahonning rivojlangan
mamlakatlarida tibbiyot sohasidagi axborot tizimlari keng qo‘llanilib, o‘z samarasini berib kelmoqda. Yurtimizda
ham zamonaviy axborot texnologiyalaridan foydalanish yo‘lga qo‘yilgan. Modulli tuzilma vositalaridan foydalangan holda
tibbiy ma’lumotlarni tahlil qilib, kasallik turini aniqlovchi axborot va dasturiy ta’minotni yaratish bu sohada olib borilayotgan
ishlarga katta hissa qo‘shadi.