Maktabgacha ta’limda innovatsion ta’lim muhiti ta’lim jarayoni va pedagoglar faoliyatiga ta’siri

Аннотация

Ushbu maqolada maktabgacha ta’lim tashkilotida innovatsion ta’lim muhitini rivojlantirishning asosiy yo‘llari,
uning ta’lim-tarbiya jarayoni va pedagoglar faoliyatiga ta’siri yoritilgan. Hozirgi zamon talablariga mos ravishda jamiyatning
har bir bo‘g‘inida innovatsiyalarni joriy etmasdan turib, taraqqiyotga erishib bo‘lmaydi. Innovatsion ta’lim muhitini
rivojlantirish ta’lim tizimida amalga oshirilayotgan islohotlarda ham o‘z aksini topmoqda.
Shu bilan birga, maktabgacha ta’lim tashkilotida ta’lim-tarbiya jarayonida innovatsion ta’lim muhitining o‘rni va ahamiyati
misollar orqali asoslab berilgan. Mamlakatimiz uchun har tomonlama yetuk, komil shaxsni tarbiyalashda va ta’lim-tarbiya
jarayonini yo‘lga qo‘yishda innovatsion muhitni aynan ta’limning quyi pog‘onasi bo‘lgan maktabgacha ta’lim tashkilotidan
boshlash muhim ahamiyat kasb etadi. Innovatsion muhit nafaqat tarbiyalanuvchilar, balki pedagoglar uchun ham ikki
tomonlama samarali jarayonni tashkil etishda muhim o‘rin tutadi. Chunki ta’lim-tarbiya jarayonida yaratilgan muhit asosiy
mezon hisoblanadi. Ta’lim-tarbiya jarayonida innovatsion muhitni shakllantirish uchun, avvalo, pedagog ham ushbu jarayonga
tayyor bo‘lishi kerak.