Oliy ta’limda kechki ta’lim talabalarining o‘quv faolligini oshirishda faollashtiruvchi interaktiv ma’ruza metodining didaktik strukturasi va pedagogik imkoniyatlari
DOI:
https://doi.org/10.5281/zenodo.18953156Ключевые слова:
interaktiv ma’ruza, faollashtiruvchi o‘qitish, interaktiv o‘qitish metodlari, o‘quv faolligi, kechki ta’lim, oliy ta’lim tizimi, talaba markazli yondashuv, didaktik struktura, pedagogik texnologiyalar, ta’lim samaradorligi, mustaqil fikrlash, pedagogik tahlil.Аннотация
Mazkur maqolada oliy ta’lim muassasalarida kechki ta’lim shaklida tahsil olayotgan talabalarning o‘quv
faolligini oshirishda faollashtiruvchi interaktiv ma’ruza metodidan foydalanish masalasi tadqiq etilgan. Zamonaviy ta’lim
tizimida talaba markazli yondashuv, faol o‘qitish texnologiyalari hamda interaktiv metodlarni qo‘llash ta’lim jarayoni samaradorligini
oshirishning muhim omillaridan biri hisoblanadi. Ayniqsa, ish bilan band bo‘lgan talabalardan iborat kechki
ta’lim shaklida o‘qitish jarayonida vaqtning cheklanganligi, talabalarning charchoq darajasi hamda motivatsiya omillari
o‘quv jarayonini faollashtiruvchi pedagogik yondashuvlarni qo‘llash zaruratini yuzaga keltiradi.
Tadqiqotning maqsadi oliy ta’lim muassasalarida kechki ta’lim talabalarining o‘quv faolligini oshirishda faollashtiruvchi
interaktiv ma’ruza metodining didaktik strukturasi va pedagogik imkoniyatlarini aniqlash hamda uni ta’lim jarayonida
samarali qo‘llash bo‘yicha metodik tavsiyalar ishlab chiqishdan iborat. Tadqiqot jarayonida ilmiy-pedagogik tahlil, taqqoslash
va umumlashtirish metodlaridan foydalanildi. Shuningdek, interaktiv o‘qitish metodlarining ta’lim jarayonidagi samaradorligi
nazariy va metodologik jihatdan o‘rganildi.
Maqolada faollashtiruvchi interaktiv ma’ruza metodining didaktik modeli ishlab chiqilib, uning tashkiliy bosqichlari – nazariy
ma’ruza, interaktiv faoliyatni tashkil etish, natijalarni taqdim etish va muhokama qilish, refleksiya hamda rag‘batlantirish
bosqichlari pedagogik jihatdan asoslab berilgan. Tadqiqot davomida interaktiv metodlar, jumladan keys-stadi, aqliy
hujum, sinkveyn, klaster hamda savol-javob metodlaridan foydalanish talabalarning o‘quv jarayonidagi faolligini oshirishi,
ularning mustaqil va tanqidiy fikrlash ko‘nikmalarini rivojlantirishi hamda nazariy bilimlarni amaliy pedagogik vaziyatlar
bilan bog‘lash imkoniyatlarini kengaytirishi aniqlangan.
Библиографические ссылки
1. UNESCO. Education 2030: Incheon Declaration and Framework for Action. – Paris, 2015.
2. UNESCO. World Conference on Higher Education. – Paris, 1998; 2009.
3. Bonwell, C., Eison, J. Active Learning: Creating Excitement in the Classroom. – Washington, 1991.
4. Prince, M. Does Active Learning Work? A Review of the Research. – Journal of Engineering Education, 2004.
5. Вербицкий, А. А. Активное обучение в высшей школе. – Москва, 1991.
6. Панина, Е. В., Вавилова, Л. Н. Современные способы активизации обучения. – Москва, 2008.
7. O‘zbekiston Respublikasi. “Ta’lim to‘g‘risida”gi Qonun. – Toshkent, 2020.
8. Muslimov, N. A., Qo‘ysinov, O. A. Organization of Independent Education in the Training of Vocational Education
Teachers. – Tashkent: TDPU.
Загрузки
Опубликован
Выпуск
Раздел
Лицензия
Copyright (c) 2026 MAKTABGACHA VA MAKTAB TA’LIMI JURNALI
Это произведение доступно по лицензии Creative Commons «Attribution» («Атрибуция») 4.0 Всемирная.
