O‘yinchilarning texnik va taktik tayyorgarligi.

Аннотация

Oliy davlat ta’lim standarti talabalar jismoniy madaniyat yo‘nalishi bo‘yicha mutaxassis (bakalavr) sifatida
tayyorlanishini hamda ushbu soha bo‘yicha zarur nazariy va amaliy bilimlarga ega bo‘lishini talab etadi. Jumladan, jismoniy
madaniyatning inson kamoloti va kasbiy tayyorgarlikdagi rolini anglash, salomatlikni saqlash va mustahkamlash,
psixofizik qobiliyatlar hamda jismoniy sifatlarni rivojlantirish va takomillashtirish, jismoniy madaniyat sohasida o‘zini o‘zi
belgilashga xizmat qiluvchi amaliy ko‘nikma va malakalar tizimini shakllantirish muhim ahamiyat kasb etadi. Shuningdek,
talabalarda hayotiy va kasbiy maqsadlarga erishish uchun zarur tajribalarni shakllantirish ham ko‘zda tutiladi. Texnik
tayyorgarlik sport o‘yinlarida qo‘llaniladigan texnik harakatlarni to‘g‘ri va samarali bajarish usullarini egallashni o‘z ichiga
oladi. Taktik tayyorgarlik esa individual, guruh va jamoaviy harakatlarni o‘zlashtirish orqali o‘yin jarayonini samarali tashkil
etishga xizmat qiladi. Mazkur materialdan jismoniy tarbiya fakulteti talabalari, umumta’lim maktablari jismoniy tarbiya
o‘qituvchilari, sport maktablari murabbiylari hamda sport o‘yinlariga qiziqish bildirgan barcha mutaxassis va ishqibozlar
foydalanishlari mumkin.