MAKTABGACHA TA’LIM TASHKILOTLARIDA INKLYUZIV TA’LIMNI RIVOJLANTIRISHNING PEDAGOGIK SHART-SHAROITLARI

Аннотация

Mazkur maqolada maktabgacha ta’lim tashkilotlarida inklyuziv ta’limni rivojlantirishning pedagogik shart-sharoitlari nazariy va amaliy jihatdan tahlil qilingan. Inklyuziv ta’limning mazmun-mohiyati, uning maktabgacha yoshdagi bolalarning ta’lim-tarbiya jarayonidagi ahamiyati hamda barcha bolalar uchun teng ta’lim imkoniyatlarini yaratish masalalari yoritilgan. Tadqiqotda O‘zbekiston Respublikasining ta’lim va maktabgacha ta’lim sohasidagi me’yoriy-huquqiy hujjatlari, xalqaro tashkilotlarning inklyuziv ta’limga oid tavsiyalari hamda ilmiy-metodik manbalar tahlil qilindi. Tahlil natijasida maktabgacha ta’lim tashkilotlarida inklyuziv ta’limni samarali tashkil etish uchun beshta asosiy pedagogik shart-sharoit: qulay va xavfsiz muhitni yaratish, bolaga individual yondashuvni ta’minlash, ta’lim metodlarini moslashtirish, pedagogning kasbiy kompetentligini rivojlantirish hamda oila va mutaxassislar bilan hamkorlikni yo‘lga qo‘yish zarurligi asoslandi. Shuningdek, inklyuziv muhitning jismoniy, pedagogik va ijtimoiy-psixologik tarkibiy qismlari o‘zaro bog‘liq tizim sifatida ko‘rib chiqildi. Maqolada maktabgacha ta’lim tashkilotlarida inklyuziv ta’lim sifatini oshirish bo‘yicha amaliy tavsiyalar ishlab chiqilgan.