RAQAMLI TA’LIM MUHITIDA O‘QUVCHILARNING O‘ZINI O‘ZI BOSHQARISH QOBILIYATI

Аннотация

Mazkur maqolada raqamli ta’lim muhitida o‘quvchilarning o‘zini o‘zi boshqarish qobiliyatlarini rivojlantirishning pedagogik va psixologik jihatlari tahlil qilingan. Ta’lim jarayoniga raqamli texnologiyalarning keng joriy etilishi sharoitida o‘quvchilarning mustaqil faoliyat yuritish, vaqtni samarali boshqarish, o‘quv maqsadlarini belgilash hamda ularga erishish strategiyalarini shakllantirish masalalari yoritilgan. Shuningdek, o‘zini o‘zi boshqarishning asosiy tarkibiy komponentlari sifatida o‘quv motivatsiyasi, o‘zini o‘zi nazorat qilish, o‘zini o‘zi baholash, refleksiya va mustaqil qaror qabul qilish ko‘nikmalarining ahamiyati asoslangan. Raqamli ta’lim platformalari, elektron ta’lim resurslari va interaktiv vositalar yordamida mazkur qobiliyatlarni rivojlantirishning samarali pedagogik strategiyalari ko‘rib chiqilgan. Tahlillar asosida raqamli ta’lim muhitida o‘quvchilarning o‘zini o‘zi boshqarish qobiliyatlarini rivojlantirish ta’lim samaradorligini oshirish, o‘quv faoliyatiga ongli munosabatni shakllantirish va mustaqil ta’lim olish kompetensiyalarini takomillashtirishning muhim omili ekanligi ta’kidlangan. Shuningdek, pedagoglar va ta’lim tashkilotlari uchun amaliy tavsiyalar ishlab chiqilgan.