O‘quvchilarda stressga barqarorlikni oshirishda lokus nazorat shakllarining o‘rni

Аннотация

Mazkur maqola bugungi kunda keng muhokama qilinayotgan dolzarb masalalardan biri – stress holati
va stressga barqarorlikni oshirishga yordam beruvchi o‘ziga xos coping resurslarining tahliliga bag‘ishlangan. Stressga
barqarorlik haqidagi qarashlar ikki asosiy jihatga e’tibor qaratadi. Birinchidan, organizmning ichki yoki tashqi ta’sirlarga
javob reaksiyasi muhim ahamiyatga ega. Ikkinchidan, bu reaksiyalar shaxsning subyektiv xususiyatlari bilan chambarchas
bog‘liq ekanligi ta’kidlanadi. Shu nuqtai nazardan kelib chiqib, stressga barqarorlikni oshirishda asosiy determinant
sifatida namoyon bo‘ladigan psixologik omillarni tahlil qilish muhim ahamiyat kasb etadi. Ushbu maqola aynan mana
shu masalaga bag‘ishlangan bo‘lib, unda zamonaviy yoshlarning kundalik stress holatlarini yengib o‘tishida stressga
barqarorlikni shakllantiruvchi ichki va tashqi nazorat omillarining ahamiyati o‘rganilgan. Maqolada respondentlarning lokus
nazorati va stressga barqarorlik darajalari o‘rtasidagi korrelyatsion bog‘liqlikni ochib beruvchi empirik tadqiqot natijalari
batafsil tahlil qilingan. Ushbu tahlillar stressga barqarorlikni oshirish uchun muhim bo‘lgan nazariy va amaliy xulosalar
chiqarish imkonini beradi.