Ibrayim Yusupovning “Saksovul” she’rini o‘qitish metodikasi

Аннотация

Mazkur maqolada O‘zbekiston Qahramoni, O‘zbekiston va Qoraqalpog‘iston xalq shoiri Ibrayim
Yusupovning maktab darsliklarida berilgan she’riy asarlarini o‘qitish usullari yoritiladi. Qoraqalpog‘iston Respublikasidagi
7-sinflar uchun nashr etilgan “Adabiyot” darsligida shoirning bir nechta she’rlari berilgan. Ularni shunchaki yodlatish
emas, balki undagi so‘zlarning mohiyatini anglash ham muhimdir. Ibrayim Yusupovning hayoti va ijodi qoraqalpoq sinflari
uchun chiqariladigan 1-sinfdan 11-sinfgacha bo‘lgan o‘qish, adabiy o‘qish va adabiyot darsliklarining aksarida o‘rgatiladi.
7-sinfda berilgan she’rlar, xususan, “Saksovul” she’ri qoraqalpoq xalqining tarixiy o‘tmishi va yashash tarzi haqida hikoya
qiladi. O‘qituvchi mazkur she’rni turli xil metod va texnologiyalar yordamida o‘rgatish orqali o‘quvchilarda o‘z tarixiga
bo‘lgan muhabbatni uyg‘otadi, ona Vataniga, ona tuprog‘iga bo‘lgan iftixorni kuchaytiradi. Maqolada ko‘rsatilgan metod
va texnologiyalar dars jarayonida o‘qituvchiga metodik yordam sifatida xizmat qilishi mumkin. Bugungi tez sur’atlar bilan
rivojlanayotgan davrda maktablarda adabiyot, ayniqsa, she’riy asarlarni o‘qitish pedagog uchun katta mas’uliyat hisoblanadi.
Maqolada she’rni o‘qitishda leksiya, suhbat, klaster, savol-javob, fanlararo integratsiya kabi ta’limiy metodlardan
foydalanish yo‘llari ko‘rsatib o‘tilgan