Jadid pedagogik tafakkurida “o’qituvchi” fenomeni

Аннотация

Ushbu maqolada jadid pedagogik tafakkurida “o‘qituvchi” fenomenining mazmun-mohiyati ilmiy-nazariy
jihatdan tahlil qilinadi. Jadid ma’rifatchilarining o‘qituvchiga yuklagan ijtimoiy, axloqiy va ma’naviy mas’uliyatlari ochib
berilib, ularning ilg‘or g‘oyalari bugungi Yangi O‘zbekiston ta’lim siyosati bilan uzviy bog‘liqlikda o‘rganiladi. Shuningdek,
zamonaviy o‘qituvchi obrazining shakllanishida jadid pedagogik merosining o‘rni va ahamiyati asoslab beriladi. Jadid
pedagogik
merosini chuqur o‘rganish va undan zamonaviy ta’lim jarayonida samarali foydalanish hozirgi pedagogika
fanining muhim vazifalaridan biri hisoblanadi. Maqolada “ustoz–shogird” an’anasi, o‘qituvchiga xos kasbiy va ma’naviy
qadriyatlar alohida ta’kidlanadi. Jamiyat taraqqiyotining muhim omili sifatida o‘qituvchi siymosining o‘rni yoritilib, O‘zbekiston
Respublikasi yangi rivojlanish bosqichiga kirayotgan bugungi sharoitda pedagoglarning xizmatlari va tashabbuskorligi
alohida ahamiyat kasb etishi asoslanadi