Maktabgacha ta’lim tashkilotida tarbiyachi shaxsiga qo‘yiladigan zamonaviy pedagogik talablar

Аннотация

Maktabgacha ta’lim tizimi jamiyat taraqqiyotining poydevori bo‘lib, unda faoliyat yuritayotgan tarbiyachilarning
kasbiy salohiyati, shaxsiy fazilatlari va pedagogik yondashuvi kelajak avlodning ma’naviy hamda intellektual
shakllanishiga bevosita ta’sir ko‘rsatadi. Ushbu maqolada zamonaviy tarbiyachi shaxsiga qo‘yilayotgan pedagogik
talablar, ularning mazmun-mohiyati, innovatsion ta’lim yondashuvlari hamda xalqaro tajriba asosida tahlil qilinadi.
Maqolada, shuningdek, O‘zbekiston Respublikasida olib borilayotgan ta’lim islohotlari, davlat siyosatida maktabgacha
ta’lim sohasiga berilayotgan e’tibor, tarbiyachilarning kasbiy kompetensiyasini rivojlantirish masalalari chuqur yoritilgan.
Pedagog shaxsining o‘z ustida ishlashi, zamonaviy texnologiyalarni o‘zlashtirishi, bolalarning psixologik xususiyatlarini
hisobga olib, individual yondashuvni qo‘llay bilishi bugungi kunda asosiy talab sifatida e’tirof etilmoqda. Maqolada ushbu
yo‘nalishdagi ilg‘or xorijiy tajribalar va ularning O‘zbekiston sharoitida qo‘llanish imkoniyatlari ham tahlil qilinadi.